TIRANË - 8 Gusht - Shqipëria ka fituar vendin e parë me produkte "BIO" në Festivalin e 7-të Ndërkombëtar të Gastronomisë, "Perandoria e Shijeve Ndërkombëtare 2011", që u zhvillua në fund të muajit korrik në qytetin e Napolit Itali.

Ky trofe i jep të drejtën e organizimit të edicionit pasardhës të këtij Festivali, në vitin 2012 në Tiranë.

Në këtë festival konkuronin kuzhinat tradicionale nga 26 vende të botës. Ky çmim, tha Ministri i Bujqësisë, Genc Ruli, tregon vlera të cilësisë ushqimore dhe të promovimit të saj në botë.

Ruli siguroi se në ‘Panairin e Agrobiznesit’ që do të mbahet në Shtator të këtij viti në Tiranë, do të ngrihet një pavion i pasaçëm për gatimin me ushqime "BIO".